Vel hefur gengið að skrá og skanna ljósmyndir safnsins, en þær eru um 15.200 talsins. Farið var í gegnum öryggismál á árinu og var gerður samningur við Símann um öryggisafritun gagna og mynda. Læstir stálskápar voru keyptir af Léttitækni en þeir eru ætlaðir fyrir trúnaðargögn sem berast safninu. Fyrirspurnir hafa borist jafnt og þétt bæði símleiðis og í tölvupósti, er þeim svarað eins fljótt og unnt er.
Gestum safnsins hefur fækkað talsvert en einungis 54 skráðu sig í gestabókina og afhendingar hafa verið 14 að þessu sinni.
Héraðsskjalavörður vill þakka fyrir þær afhendingar
sem borist hafa á þessu ári en jafnframt minna á að alltaf er hægt að taka
við meiru, jafnt skilaskyldu efni sem og einkaskjölum eða myndum.
